Sing Gawe Gegoh, Kertase Paman Pana

Donyane agi ribut, jere Paman Pana sing umahe kulon alas kae duwe kertas, kertase ditutur ngewong, jebule isine wong-wong sugih jenenge ana nang kertas kue. Jan jane anu kepriwe…

Jerene sih kaya kiye penjelasane… Maksude nggopadan kuwe anu kaya kiye

Bawor due celengan nang ngumah, tapi biyunge niliki terus ari celengane kuwe dibukak nang Bawor. Paijo ya due celengan nang umah tapi ora tau ditiliki, dadine Bawor titip celengane maring umahe Paijo.

Batir-batire Paijo ngerti celengane Paijo ora tau ditiliki nang Mboke, banjutan batire Paijo melu-melu titip nang umahe daplun (kiye jere pada karo INPESTASI OFF SHORE)

Nang nang sewiji dina, mboke Paijo niliki kamare Paijo deneng akeh celengan nang kana (critane DI-AUDIT tapi ora dinyana-nyana). Celengane kuwe ana jeneng-jenenge sing duwe (Nah kue pada karo Kertase Paman Pana). Banjutan mboke Paijo ngabari maring biyung-biyunge sing duwe celengan mau.

Jebule Bawor nitip nang nggone Paijo sebabe angger njukut duit sekang celengan, Biyung Paijo njaluk potongan utawa pajeg.

Nek Daplun jebule ngiseni celengane sekang nodong maring bocah-bocah (kiye istilahe Money Laundry utawa ngresiki duit ora bener)

Angger di Sandol kue ngisi celengan anu sekang dodol Es, bakwan, gorengan diiderna ningen wong tuwane ora ngerti, soale song tuwane Sandol karepa Sandol kon sekolah bae (kiye jere Bisnis Ilegal alias ora resmi)

Nah kaya kuwe seteruse

Kuwe penjelasane KERTAS PAMAN PANA versi Banyumas. Maksud apa ora rika? Nyong be ora maksud koh